31-08-2020 08:30
தஞ்சோங் காத்தோங் ரோடு
இன்று வேகமாக ஓட வேண்டுமென்று முடிவு செய்து வேகமாக சீராக ஓடினேன். தொடக்கம் முதல் கடைசி வரை ஒரே வேகத்தில் ஓடி முடித்தேன். இப்படி நிகழ்வது எப்போதாவதுதான். எண்ணம் முழுவதும் குடிக்க போகும் காபியில் தான் இருந்தது. இரண்டு வாரங்களுக்கு முன்பு மோக்கா பாட் (Moka Pot) வாங்கினேன். அதில் காபி குடிப்பது எனக்கு மிகவும் பிடித்து போய்விட்டது. தினமும் ஒருமுறையாவது காபி போட்டு குடிக்கிறேன். நான் காபி மற்றும் டீ இரண்டையும் விரும்பி குடிப்பவன். இந்த கொரோன நாட்களில் காபி குடிப்பதென்பது ஒரு தவம் போல ஆகிவிட்டது. நிதானமாக ஒவ்வொரு மடக்காக ரசித்து குடிக்கும் போது ஏற்படும் இன்பம் அலாதியானது. அதையே நினைத்துக் கொண்டு வீட்டை அடைந்தேன்.
No comments:
Post a Comment