ரன்னிங் டைரி - 184

  07-03-2021 05:45

வீட்டைச் சுற்றி கேலாங் மீன் சந்தை 

நல்ல குளிர். வில்லியம் வெர்ட்ஸ்வோர்த்தின் "My Heart Leaps Up" கவிதையைச் சொல்லிப் பார்த்தேன். முழுவதும் சொல்ல முடிந்தது. அற்புதமான கவிதை .இன்றும் earpiece எடுத்துச் செல்லவில்லை. வேகமாக ஓடினேன். குறைவான தூரம். சிக்னலில் சைக்கிளில் சென்றவர் என்னைப் பார்த்து கைகாட்டினார். நானும் கைகாட்டினேன். சிக்னலைக் கடந்தபோது பேப்பர் போடுபவர் சத்தமாக "கண்டா வரச் சொல்லுங்க .." என்று ரசித்துப் பாடிக் கொண்டுச் சென்றார். மாதா கோவில் கதவு பூட்டி இருந்தது. "ஞானம் நிறை .." பாடல் மனதில் வந்து சென்றது. மீன் சந்தை சாலை வந்ததும் என்னென்ன வாங்க வேண்டுமென்று மனதில் பட்டியல் போட ஆரம்பித்தேன். பட்டியல் போட்டு முடியும்முன் சந்தையை அடைந்திருந்தேன்.