05-10-2020 8:35
தஞ்சோங் காத்தோங் ரோடு - டன்மன் ரோடு -ஸ்டில் ரோடு -மெரின் பரேட்
நீண்ட தூரம் ஓட வேண்டுமென்று முடிவு செய்து ஓட ஆரம்பித்தேன். காதில் தெலுங்கு துள்ளல் பாடல்கள் ஒலிக்க ஆரம்பித்தன. எனது தெலுங்கு பாடல் லிஸ்ட்:
என்னை அறியாமலேயே வேகமாக ஓடிக் கொண்டிருந்தேன். அதற்கு மேல உள்ள பாடல்கள்தான் காரணம் . நல்ல வேளையாக சிக்னல் வந்தது. சற்று நின்று பாடல் வரிசையை மாற்றிவிட்டு மீண்டும் ஓட ஆடம்பித்தேன்.எதிரே ஒரு இந்திய தம்பதியினர் நடந்து வந்து கொண்டிருந்தனர் அவர்களைப் பார்த்தவுடன் நான் புன்னகைத்தேன் அவர்களும் ஹலோ என்றார்கள். அவர்களைக் கடந்தபோது வலது பக்கம் நர்சரி பள்ளி இருந்ததைக் கவனித்தேன் அங்கிருந்து எண்ணம் முழுவதும் நான் படித்த பள்ளிகளுக்கு சென்றது. தொடக்கப் பள்ளியில் படித்தவர்களில் மூவர் மட்டுமே வாட்சப் குரூப்பில் இருக்கிறார்கள். என்னை மிகவும் நேசிப்பவர்கள். அப்படியே எண்ணம் நேற்றைய ப்ரீமியர் லீக் கால்பந்து போட்டிகளுக்கு சென்றது. wow ! மூன்று அற்புதமான எதிர்பார்க்காத முடிவுகள். எனக்கு ஏனோ இந்த வருட லிவர்பூல் அணியை பிடிக்க வில்லை. எதிரே நூலகம் மூடிருந்தது. பல மாதங்களாக அங்கு செல்லவில்லை. விரைவில் நூலகத்திற்கு சென்று புத்தகங்கள் எடுக்க வேண்டுமென்று எண்ணிக் கொண்டேன்.மூன்று வாரமாக வாசித்துக் கொண்டிருக்கும் புத்தகம் எண்ணத்தில் தோன்றியது . இந்த வருடம் நான் வாசிக்க அதிக நாட்கள் எடுத்துக் கொண்ட புத்தகம் இதுதான். இந்த வாரம் கண்டிப்பாக வாசித்து முடித்து விட வேண்டுமென்று எண்ணிக் கொண்டே வீட்டை அடைந்தேன்.
No comments:
Post a Comment
welcome your comments