ரன்னிங் டைரி - 97

   25-08-2020 08:35

தஞ்சோங் காத்தோங் ரோடு

ஓட ஆரம்பித்ததே வேகமாகத் தான். எப்போதும் மெதுவாக ஆரம்பித்து கொஞ்சம் கொஞ்சமாக வேகத்தை கூட்டுவதுதான் சரி. சில கிலோமீட்டர்களுக்கு பிறகு வேகத்தைக் குறைத்தேன். சரியான வேகம் வரும் வரை வேகத்தைக் கூட்டியும் குறைத்தும் ஓடினேன். சீரான வேகம் எது என்பது ஒரு வீரனுக்கு தெரியும். எனக்கு என் வேகம் எது என்பது தெரியும். அப்படித் தெரியும் என்பதால் நான் உடனே அந்த வேகத்தை அடைய முடியாது. பல நேரங்களில்அந்த வேகத்தைக் கண்டடையாமல் ஓடுவதை நிறுத்தி நடந்திருக்கிறேன். இன்று என்னால் எனது சீரான வேகத்தை அடைய முடிந்தது. ஏனோ மனதில் "Civilization State " என்று வார்த்தைகள் வந்து கொண்டே இருந்தது.சென்ற வாரம் இதைப் பற்றி இரண்டு கட்டுரைகளை படித்தேன். அந்த கட்டுரைகளின் சாராம்சத்தை எண்ணிக் கொண்டே வீட்டை அடைந்தேன்.